(खंडर) horror story in hindi Best Stories Hindi collactions

Horror story in hindi

We provide to Horror story in hindi. today i will talk Khandar Horror story in Hindi. so, please Read this story Full Artical this is a big story.

This is a big collaction of Horror and more Short and Full stories in hindi. so, don't Forget to subscribe our blog.

Khandar (Horror story in hindi)



bat un dinon ki hai jab main collage ka student tha. apne collage ki or se ham sabhi kaimp ke lia ek jangal men gaye the. ,
 halki thandh thi ; at: rat men ham sabne puri rat kaimp – phayar ke sath dans karne ,gane adi ka program tay kiya.
 mujhe aur sabhi sathiyon ko kaimp phayar ke lia lakadiyan ekatthi karne ka bhar saumpa gaya.
 main nikla to sabke sath hi lekin jangal ke prakriatik saundary men bhatakta hua akele bahut dur kahin nikal gaya.
 achanak asman badlon se bhar gaya aur garaj ke sath barish hone lagi.

 badlon ke lagatar garajne se main ped ke niche khda rahna munasib n samajh aspas kisi ghar ki talash men ek disha men bhagne laga.
mujhe kuchh hi duri par ek lal inton se bani shandar bilding najar ai. ,
 bilding roshni se puri nahai hui thi aur usmen dher sare log hain – aisa dur se hi lag raha tha.
 main teji se bhagte hua us bilding men ja ghusa aur samne se ati hui ek khubsurat nars se takrate – takrate bacha.
 nars ne mujhe ghur kar dekhte hua kaha – “ bahut adhik bhig gaye ho ,sardi lag jayegi.
 udhar bain or ek stor rum hai ; vahan jakar jo bhi mile usse kahna sistar juliya ne dusre sukhe aur saf kapde mujhe dene ko kaha hai – vah tumhe kapde de dega. “
 main hakka – bakka munh phade sistar juliya ko dekhta raha. mujhe ekadam se yah samajh nahin aya ki main kya karun.

 meri sthiti dekhakar sistar juliya khilakhilakar hans pdi aur boli –
 “pahle to tum apna munh band karo varna munh men machchhad ghus jayenge aur ab jakar visa hi karo jaisa main ne kaha hai.”
 main halke se ‘han ‘ men sar hila sistar ki batai disha men jane ko mud gaya.
abhi kuchhek das kadam hi chala hounga ki mere kandhe par kisi ne hath rakha.
 main chaunkakar pichhe muda aur apne samne armi ki vardi men ek yuvak ko khada muskurata paya.

 mere chehre par ashchary ka badal apna ghar bana chuka tha ; jise dekhte hi us yuvak ko hansi a gayi.
 usne dhime ,kintu driadh svar men kaha – “ main kaiptan vinod hun aur yah hamare desh ki armi ka haspital hai.’
 kaiptan vinod ki baton ne mujhe ashvast kiya.
 main ab dhire – dhire samany ho gaya aur main ne kaiptan vinod ko sistar juliya ki kahi baten batai.
 sunakar ,kaiptan vinod ke chehre par rahasyamyi muskan fail gayi aur ve bole – “ to sisitar juliya se bhi mil chuke.”
 “ ji , kya matalab hai apka ?”
 “ kuchh nahin ,chalo main tumhe sukhe kapde deta hun chenj kar lo nahin to sach men sardi lag jayegi.”
 aur main kaiptan vinod ke pichhe – pichhe ek bde se kamre men pahunch gaya. kamre ke charo or hare rang ke parde lage hua the. ,


 ek or ek bda sa bed pada hua tha aur uske samne ek sopha tha.
 bich men ek tebal tha jis par do glas ,ek bdi botal brandi ki aur ek ya do patrikaan pdi hui thin.
kamre ke ek kone men ek bdi si almari thi ;jismen se kaiptan vinod ne ek asmani rang ka kurta – payjama nikalakar mujhe diya aur kamre se lage bathrum ki or eshara kiya.
 main bathrum se kapde chenj kar jaise hi nikalne laga meri najar bathrum ki ek dival par pdi.
 vah khun ke chhinton se bhari hui thi. yah dekhakar main ghabda gaya aur jaldi se bahar nikalne ko muda ki bathrum men lage aine men khud ko hi dekhakar chaunk gaya.
 aine men mera pura sharir to najar a raha tha lekin mere sharir par se mera sar gayab tha.
 ab mujhe dar lagne laga aur main hadabda kar bathrum se nikal gaya. ,
 mujhe es tarah bahar nikalte dekh kaiptan vinod ne hansakar puchha – “ kya hua ? are han ,tum ne to ab tak mujhe apna nam hi nahin bataya.”
 “ kahan jaoge ,bahar bahut tej barish ho rahi hai. lekin ,tum jana kyon chahne lage achanak yah main samajh nahin pa raha hun.”
 “ kaiptan vinod apki bathrum ki ek dival puri khun ke chhinton se bhari hui hai. aur aur apke bathrum men laga aina bhi kuchh ajib sa hai.
 usmen mujhe mera pura sharir to dikhai diya lekin mera sar hi gayab tha. main ab bilakul bhi nahin rukunga yahan.
 barish men hi bhigta hua apne kaimp tak jaunga.”

 kahte hua main kamre se bahar jane vale darvaje ki or bdha.
 “ ruko “ tabhi kaiptan vinod ki kadakti avaj gunji “ to tumne sabakuchh dekh hi liya.”
 “ji kya matalab hai apka ?” meri avaj men dar bhar gaya tha.
 “ matalab chahe jo ho.tum tab tak yahan se nahin ja sakte jabatak main tumhe kuchh bata n dun.”
 “ kkkakya batana chahte hain ap ?”
“ jo ajatak koi n jan saka.”

 “ jo aj tak koi n jan saka vah main jankar kya karunga. plij ,ab mujhe jane den.” – main dar se ruansa ho gaya.
 “nhin , bilakul bhi nahin. aur , tumhe mujhse darne ki bhi koi jarurat nahin.
 sainik sabki raksha ke lia hote hain. main bhi tumhari suraksha hi kar raha hun.” - kaiptan vinod ke svar men komalta thi – “ ao mere sath es sophe par baith jao.
 main tumhe ek kahani sunata hun. kahani khatm hote hi main tumhe tumhare kaimp tak jip se chhod aunga.
 vaise bhi tum apne sathiyon se kaphi age nikal aye ho.vahan tak tum ab chalte hua shayad pahunch n pao.”
 kaiptan vinod ke svar men jane kaisi ashvasti thi main jakar unke bagal men baith gaya.
 kaiptan vinod ne kahna shuru kiya – “dushmnon ne dhokhe se hamare asptal ko apna nishana banaya.
 dushman desh ke do sainik hamare sainik ke vesh men ek hamare hi ghayal sainik ko lekar aye.
 vah ghayal tha aur aur hamare desh ki sena ne use bahut dhundha lekin nahin mila tha.
 shayad , sajish ke tahat use ghayal hote hi ghuspaithiyon ne kahin chhupa diya tha.


 achanak apne khoye sainik ko apne haspital men pa sabhi khush ho gaye aur bina adhik pdtal kiye haspital ke gest rum men ghayal ko lekar ane vale chhadm vesh dhariyon ko thaharne ki ejajat de di gayi.
 abhi us sainik ka elaj chal hi raha tha ki joron ka blast hua aur pura haspital ek pal men khandahar men tabdil ho gaya.”
 “ lekin haspital to apni shandar sthiti men khada hai. “
 meri baton ko anasuna kar kaiptan vinod ne apni bat jari rakhi – “ koi nahin bacha us blast men.
 dival par pde khun ke chhinte bhi usi blast men mare gaye hopital ke karmchariyon ke hain.”
 “ han , par yah hospital to mujhe khandahar nahin dikhta.”
 javab men kaiptan vinod ke chehre par rahasy bhari muskan fail gayi aur unka chera ajib se bhavon se bhar gaya.
 main unke chehre ko dekhakar andar se dahal gaya. phir bhi , main ne himmat kar puchha – “ ap us blast men bakh kaise gaye ?”
 sunte hi kaiptan vinod thahaka laga kar hans pde aur mujh par ek bharpur najar dalte hua kaha – “ yah kahani aj se matr das varsh pahle ki hai aur main to aj se pachas varsh pahle mar chuka hun.”


 eske age unhonne kya kaha – mujhe kuchh nahin malum.,
 chehre par gilepan ka ahsas jab kaphi hua to main jaise nind se jaga. mujhe ghere hua mere sabhi sahpathi aur tichar khde the.
 mere ankh kholte hi mere sar ne kaha – “ thaink gad ! tumhe hosh a gaya.”
“ to kya main behosh tha ?”
“ han , tun jangal men jane kahan bhatak gaye the.
 jab sabhi laut aye aur tum nahin aye to ham sabhi milakar tumhen dhundhne nikle.
 kaphi dur jane ke bad hamne ek jip ati dikhai di jismen ek armi main tumhe pichhe ki sit par sulaa hua hamare kaimp ko dhundhte hua a rahe the.
 unhonne ham sabko bhi apni jip par bithaya aur kaimp takl chhoda.
hamne unhen kaphi rokne ki koshish ki lekin ve yah kahte hua chale gaye abhi nahin ruk sakta ek jaruri kam hai.”
 jab hamne tumhare behosh jane aur un tak tumhare pahunchne ke bare men puchha to bole – “ somesh hi bataaga aur jo bhi bataaga vah sab aksharash: sach hoga.
 sabki utsuk nigahen apni or lagi dekh main ne dhime svar men puchha -- + kya unka nam kaiptan vinod tha ?”
 sar ne “ han “ men sar hilaya.

 main ne sabko udhar chalne ko kaha jidhar se sabne jip ati dekhi thi.
 pahle to sar taiyar nahin hua lekin mere bahut kahne par ve raji ho gaye. subah hote hi ham udhar ki or gaye.
 main us jagah par pahunch kar gahre ashchary men dub gaya. vahan ek adhajla khandahar tha : jiske ek tute patthar par likha tha “ armi haspital “.,

Read also-> girl Attitude status

i Hop You like our horror story. so, please share with your Friends and Famely.

No comments

Powered by Blogger.